About Me

My photo
As the resident poet at EcoHealth, my verse finds inspiration these days in the specter of future pandemics. For my dissertation at LMU's Amerika-Institut, I'm anatomizing the poetics (especially the prosody) of E. A. Robinson's sonnets. I also teach at Münchner Volkshochschule and lead the Amerikahaus Literary Circle.

20160811

Address to the Toothache

by Robert Burns

My curse upon your venom’d stang,
That shoots my tortur’d gums alang,
An’ thro’ my lug gies mony a twang,
                  Wi’ gnawing vengeance,
Tearing my nerves wi’ bitter pang,       
                  Like racking engines!
 
When fevers burn, or argues freezes,
Rheumatics gnaw, or colics squeezes,
Our neibor’s sympathy can ease us,
                  Wi’ pitying moan;       
But thee—thou hell o’ a’ diseases—
                  They mock our groan.
 
Adown my beard the slavers trickle
I throw the wee stools o’er the mickle,
While round the fire the giglets keckle,        
                  To see me loup,
While, raving mad, I wish a heckle
                  Were in their doup!
 
In a’ the numerous human dools,
Ill hairsts, daft bargains, cutty stools,        
Or worthy frien’s rak’d i’ the mools,—
                  Sad sight to see!
The tricks o’ knaves, or fash o’fools,
                  Thou bear’st the gree!
 
Where’er that place be priests ca’ hell,       
Where a’ the tones o’ misery yell,
An’ ranked plagues their numbers tell,
                  In dreadfu’ raw,
Thou, TOOTHACHE, surely bear’st the bell,
                  Amang them a’!        
 
O thou grim, mischief-making chiel,
That gars the notes o’ discord squeel,
Till daft mankind aft dance a reel
                  In gore, a shoe-thick,
Gie a’ the faes o’ SCOTLAND’S weal        
                  A townmond’s toothache!

Note:  A recitation can be heard here.

No comments:

Post a Comment